Motho yo mongwe le yo mongwe o na le mogwera goba bagwera, goba o na le tumo ya go ka ba le mogwera le ge e ka ba o tee. Segwera se bohlokwa ka ge se ka dira gore motho a se ke a ikwa a le bodutwana goba a ikwa nke ga a ratege. Bagwera ba bangwe ba ka go hlohleletša gore o be motho yo mo kaone, mola ba bangwe ba ka go tsenya mathateng. O amogetšwe. Lehono re lebelela diema tše malwa tša go bolela ka segwera le ditlhalošo tša tšona.
Each and every person has a friend or friends, or they have a desire to have at least one friend. Friendship is important because it can make a person avoid feeling lonely and unloved. Some friends can motivate you to become a better person, whereas some can get you into trouble. Welcome. Today, we will look at idioms relating to friendship and their meanings.
Bagwera ba gago ge ba ema o eme, ba dula o dule.
Ge batho ba dira modiro le wena o dire gore o tle o kgone go phela gabotse magareng ga bona. Ge o ka se dire bjalo, o tlo šalela morago ge bona ba tšwela pele.
Bagwera ba gago ge ba sela moetšana le wena o sele.
Ge dithaka tša gago di tšwela pele mešsomong ya bona goba dithutong tša bona, le wena itapiše bjalo ka bona gore o se ke wa tla wa šalela morago gomme wa tla wa segwa ke batho.
Mogwera wa motho le thakga o a ja.
Motho ge a šetše a rata motho yo mongwe a ka se šetše dilo tša gagwe tše dimpe, gobane lerato le bona fela tše di botse la pipa tšohle tše dimpe.
Mogwera wa tšhwene o ja se tšhwene e se jago.
Motho ge a gwerane le motho yo ka gabo e lego badiitšana, a ka se nyenye tšeo ka gabo mogwera yo, gobane o tla be a mmontšha leratorato.
Mogwera wa gago ga a ntšhe sa mpeng
Mogwera wa go botega ke yo a rego ge a boditšwe diphiri a se tšame a di botša batho.
Go na le tše dingwe diema ka segwera tše o di tsebago? Di ngwale ka mo fase.
Are there any other idioms related to friendship that you know? Type them below.